Consideramos de interese para os nosos obxectivos remunicipalizadores en Ferrolterra, analizar como nun concello singular como o de Arteixo que alberga o xermolo dunha das corporacións mutinacionais máis importantes a nivel mundial, expresión pura e dura do neoliberalismo, como é Inditex, é capaz da remunicipalización do ciclo integral da auga no seu concello que estaba nas mans de Aqualia. Esta empresa é unha das filiais de FCC Servizos Ciudadanos, eufemismo que quere dicir privatización e saqueo dos servizos públicos -multinacional controlada -agora, polo multimillonario mexicano Carlos Slim. Lembrar que estas siglas son as que, da man de Borja Silveira Rey -a través de SEFCON, (Empresa do Grupo Empresarial Silveira) pretendían facer-se co "Contrato Eléctrico" en Ferrol. E que en Narón xestiona o servizo da auga, sendo a parte privada da empresa mixta Cosma. Consideramos de interese a entrevista co responsábel do servizo o concelleiro José Ramón Amado que ten a singularidade de ser do Partido Popular. Este rescate da xestión da auga, ten moita importancia, o goberno municipal de Arteixo, enfrontou-se ás propias políticas neoliberais privatizadoras dos servizos públicos que son o leitmotiv, un dos fundamentais obxectivos do seu partido e da consolidación do estado neoliberal. Aínda que non é novo o enfrontamento dos membros deste goberno municipal coas institucións gobernadas polo Partido Popular e contra as directrices políticas do mesmo partido, este ten particular importancia para nós.
ARTEIXO
"Aqualia quería recuperar o investimento e gañar diñeiro a costa dos veciños". | "Constátanse as malas artes e a mala fe" - "Pretendían chantaxear e botar á xente encima do poder político" - "O problema é que non se preocuparon de xestionar".
O actual xerente do servizo de augas e concelleira de Obras de Arteixo, José Ramón Amado, ten claro que Aqualia nunca quixo prestar un servizo de calidade durante a súa etapa en Arteixo e que o seu obxectivo era só gañar diñeiro. Amado asegura que o Concello profesionalizou o servizo e que puxo en marcha moitos proxectos que na etapa da empresa mixta con Aqualia non se puideron facer. Tamén cre que a demanda na que o Concello reclama 26 millóns de euros á filial de FCC vai por "bo camiño".
-Pasaron tres anos desde que rescataron o servizo de augas, que balance fai?
-A veciñanza de Arteixo están recoñecendo o traballo e a mellora do servizo tanto na calidade como a atención. O segundo que valoro é que as mentiras do xerente eran totalmente infundadas. Dedicábase a difundir mentiras ás corporacións anteriores sobre a xestión. Metendo proxectos pantasma e propoñendo situacións que non eran reais. Iso demostrouse todo.
-Por exemplo?
-A non necesidade de facer unhas balsas en Sisalde cun área protexida que había que inundar unha chea de zonas para ter auga limpa. Pasamos o inverno e non tivemos queixas de turbiade salvo con avarías puntuais. Demostrouse que o gasto podíase conter e que non eran necesarios eses plans de aumento de tarifas e redución de persoal. Aumentamos o persoal e estamos dando mellor atención á veciñanza na reparación de fugas puntuais. Non deixando as fugas a medio reparar como se facía antes. Todas esas mentiras demostráronse.
-Por que cre que había estas mentiras que di?
-O fin de Aqualia claramente era recuperar o seu investimento e gañar diñeiro a costa da veciñanza de Arteixo. Non demostraron a capacidade de solvencia que se supón que teñen.
-Entón por que fan esa oferta tan boa para gañar o concurso?
-Fan esa oferta tan boa porque Arteixo entón era a punta de lanza dun proceso de expansión que nunca chegou a ser. Quedaron aí bloqueados. Debe traballar en serio pretenderon facer unha chantaxe ás anteriores corporacións como a nosa.
-Como se chega a este divorcio nada amistoso en 2013?
-Nós estamos aquí para defender os intereses veciñais. Calquera feito que prexudique á veciñanza de Arteixo temos que solucionalo. Constátanse as malas artes e a mala fe. Non se propoñían solucións reais. A solución para a veciñanza non é subir o prezo do auga. A solución real é dar a auga e corrixir as fugas. Pretendían chantaxear e botar á xente encima do poder político. E eles saír con exclusivamente o seu negocio.
-Como cre que acabará a demanda dos 26 millóns de euros famosos?
-A decisión xudicial sempre a acataremos e si non estamos de acordo poñeremos os recursos que vexamos convenientes. En principio entendo que vai por bo camiño. Proba diso é que o xuíz pon un aval de 14 millóns e si non, non o poñería. Que lle sirva de pedra de toque para que deixen de actuar de determinada forma. E si dean conta de que o seu negocio non pode ir só polo recibo do auga da veciñanza. Ten que ir pola xestión.
-Polas declaracións do alcalde parece que Aqualia é unha empresa pirata. Coincide?
-Denominalas pirata, non. O que si creo é que Aqualia no seu momento tivo unha estratexia comercial que se demostrou errada. Vir a Arteixo para facer un banco de probas de todo o demais e que a partir de aí se amole a veciñanza de Arteixo é un erro. Santiago Lafuente (director de Aqualia) pouco coñece Arteixo e sempre fala de oídas. Mestura unha serie de datos que non son correctos. Xestionaron a planta de auga do polígono de Sabón durante un tempo e deixárona.
-Por que a deixaron?
-Que lles pregunten a eles. Había que investir. Por que o trazado do novo colector non se lle ocorre ao gerente? O problema deles é que non se preocuparon de xestionar. E iso pagámolo a veciñanza. Era un servizo deficiente.
-O director de Aqualia aludiu a unhas declaracións do alcalde de Oleiros de que as estratexias de municipalización arrastran contratacións de xente.
-Nós contratamos o persoal que é necesario para o servizo. Algo que estamos facendo é a profesionalización do servizo. Outra cousa é que nos grupos de goberno haxa persoas de libre designación, que as teñen todas as corporacións. No servizo municipal de augas o único que entrou a traballar son profesionais do sector. Un enxeñeiro de Camiños nunha oposición libre e un xurista nunha oposición libre. Non hai cargos políticos, salvo o meu, metidos no servizo. Metéronse tamén dúas persoas máis de rede en oposición libre.
-O alcalde de Oleiros di que vostedes tamén queren aplicar esta estratexia ao lixo.
-Probablemente el saiba algo que non sé eu. Cando se demostre veremos se o que di é correcto ou non. De momento non se contratou a ninguén. A nosa guerra non é con Oleiros, senón coas empresas que viñan prestar servizo a un prezo e pretenderon variar ese prezo. Gelo sempre demostrou estar ao noso lado. Ha ter constantes enfrontamentos con empresas que non prestaron o servizo.
Publicado no xornal "La Opinión de A Coruña" o 28 de Xullo de 2016. | Por Iván Aguiar | Arteixo.
Foto: O concelleiro de Obras e Servizos, José Ramón Amado, nunha fonte próxima ao Concello. Por Víctor Echave.
***
